Derechi di kliente

Étika i konflikto di interes

Empleado di Fundashon Wega di Number Kòrsou tin e responsabilidat pa duna un evaluashon ophetivo i independiente di Wega di Number Kòrsou i Sorteo Èkstra. E mester aktua profeshonal i segun regla di étika. Tambe e mester ta na altura di loke ta stipulá den Loterijverordening 1909 i e mester kumpli ku esaki.

Obligashon i responsabilidat

A lanta Fundashon Wega di Number Kòrsou ku e meta pa establesé un punto sentral di kordinashon di wega di plaka.

Ta e obligashon i responsabilidat di Fundashon Wega di Number Kòrsou pa:

• Dirigí, kordiná i supervisá investigashon i relato di gerensia relashoná ku Wega di Number Kòrsou i Sorteo Èkstra;
• Kondusí, supervisá i kordiná otro aktividat realisá òf finansiá pa Wega di Number Kòrsou i Sorteo Èkstra pa promové un atministrashon efisiente i pa prevení i detektá froude i otro iregularidat.
• Informá direktiva di Fundashon Wega di Number Kòrsou tokante froude i otro iregularidat relashoná ku aktividatnan atministrá i finansiá pa Fundashon Wega di Number Kòrsou i Sorteo Èkstra.
• Rekomendá kua akshon por tuma kontra esaki i raportá resultado di medida ku a tuma pa koregí e situashon.
• Duna kordinashon i koperashon efektivo entre ouditorio General , ouditorio gubernamental i otro entidat di gobièrnu pa promové efektividat.

Sorteo Wega di number Kòrsou i Sorteo Èkstra

Sorteo di Wega di Number Kòrsou ta tuma lugá segun regla i prosedura di seguridat estrikto. Durante kada sorteo tin un mènedjer di sorteo i representante di un kompania independiente di ouditorio. E dos personanan aki mester tei por lo ménos 90 minüt promé ku e sorteo i nan dos ta kontrolá debidamente e lista di chekeo ku tur aspekto di kada sorteo.

E mènedjer di sorteo ta un empleado di Fundashon Wega di Number Kòrsou, ku ta apuntá i sertifiká komo agente spesial.

Froude den loteria

Kriminalnan tur dia ta inventá método nobo pa hòrta di esnan ku a gana. Fundashon Wega di Number Kòrsou ta ofresé siguiente tep pa evitá ku bo ta bira víktima:

• Kumpra number semper serka un re – bendedó outorisá;( wak nos lista riba e wèpsait aki)
• Partisipá den pool solamente ku persona di konfiansa;
• No kobra lòt nunka pa hende ku bo no konosé.