Wega di Number Kòrsou
Wega di number Kòrsou a bira un instituto importante den nos komunidat. E transmishon diario i bibu dje sorteo ta na di dos lugá entre programa mas popular na nos planta di televishon nashonal.
Kon partisipá
- Selektá un kombinashon di 4 sifra entre 0000 i 9999;
- Por kumpra diferente kombinashon: 4 sifra, 3 último sifra, 2 último sifra òf patras i dilanti;
- Bo ta risibí un bòn ku e number (nan) ku bo a kumpra, fecha di sorteo, preis, number di identifikashon i balor di kada number. Kòrda chek bo bòn promé bo sali for di e ofisina di number, ta abo ta responsabel pa tur kos ta korekto riba bo bòn;
- Kada number ta kosta entre un mínimo di 25 sèn bai ariba.
- Kada number ta duna bo un chèns pa gana.
Riba djadumingu orario dje sorteonan ta :
Wega di Number Korsou: 5.30 pm
Sorteo Èkstra : 5.45 pm
Kon bo por gana
- Chek resultado ofisial di Wega di Number Kòrsou pa sa si bo a gana. Transmishon ta tur anochi 9 or, bibu na Telekorsou;
- Resultado di sorteo ta sali siguiente dia tambe den korant lokal;
- Si bo a kumpra 4 sifra I esaki ta kuadra ku e promé kombinashon di number ganadó riba e fecha ku bo a kumpra number, bo a gana e Promé premio di Wega di Number Kòrsou.
- Si bo a kumpra 4 sifra i esaki ta kuadra ku e di dos kombinashon di number ganadó durante sorteo riba e fecha ku bo a kumpra number, bo a gana e di dos premio di Wega di Number Kòrsou.
- Si bo a kumpra 4 sifra i esaki ta kuadra ku e di tres kombinashon di number ganadó den e sorteo ofisial riba e fecha ei, bo a gana e di tres premio di Wega di Number Kòrsou.