Tokante FWNK

Bon biní !

Esaki ta e wèpsait di Fundashon Wega di Number Kòrsou, FWNK,e instansia ofisial ku tin komo meta:

• Garantisá ku ta kumpli ku regla i lei tokante wega di plaka na Kòrsou;
• Supervisá i garantisá un atmósfera di konfiansa i seguridat pa tur ku ta kumpra òf bende number legal i tambe pa gobièrnu;
• Presentá wega nobo, premio i oportunidat nobo pa gana, semper teniendo kuenta ku interes di kumpradó, e rifero legal i gobièrnu.

Riba e wèpsait aki por haña tur informashon tokante FWNK , transmishon di sorteo, derechi di kumpradó, regla stipulá den lei, punto di benta legal i nos kompromiso ku komunidat.

Transparensia

Organisashon di Fundashon Wega di Number Kòrsou ta basá riba integridat, imparsialidat i transparensia. Konfiansa di públiko, e rifero legal i gobièrnu ta di vital importansia pa nos, p’esei tin máksimo transparensia den nos aktividatnan diario. Pa por duna e mihó servisio posibel FWNK a desaroyá un maneho ku ta kumpli ku regla di Bon Gobernashon.

Pa mas informashon nos ta presentá aki e dokumento ofisial relashoná ku e aktividat nan di Wega di Number Kòrsou.

Kontakto

E wèpsait aki ta un plataforma di kontakto entre Fundashon Wega di Number Kòrsou i públiko en general i tur ku ta interesá pa sa mas tokante nos organisashon. Nos tim semper ta dispuesto pa duna informashon adishonal tokante Wega di Number.
Bo por yena e formulario aki bou òf yama nos na telefòn (005999) 737 – 0059.
Nos ofisina ta keda na Gaitoweg 5 (e hanchi otro banda di kaminda di MCB Bank na Roi Catochi) i nos ora di ofisina ta djaluna te ku djabièrnè, di 8:00 pa 5:00 or. Nos ofisina ta será riba dia di fiesta.