Sorteo Èkstra

‘Sorteo Èkstra’ ta un sorteo adishonal ku Fundashon Wega di Number Kòrsou (FWNK) a introdusí na 1998. FWNK mes ta organisá i operá e Sorteo Èkstra i e fondo nan generá ku e sorteo pa gran parti ta wòrdu invertí den entre otro proyekto nan ku tin e meta pa kombatí adikshon na wega di plaka y tambe den proyekto nan dirigí riba e kombatimentu di ilegalidat den e sektor wega di number.

Kon partisipá

Kon yena bòn pa Sorteo Èkstra

Pa motibu di privasidat i seguridat mester yena bòn di siguiente manera pa Sorteo Èkstra:

E nòmber dilanti òf e promé inisial i e fam; Por ehèmpel un persona ku yama Juan Bimba por yena riba su bòn: Juan Bimba òf J.Bimba.
E number di identifikashon (ID) korekto yená konforme e ID bálido ku bo ta bin kobra kuné. Por ehèmpel: si ta number di reibeweis ba yena riba e bòn, ora di kobra bin ku bo reibeweis.

Tuma bon nota: Semper yena e number di identifikashon (ID) korekto riba e bòn, sino e bòn NO ta bálido.
(E regla di registrashon aki a drenta na vigor entrante 15 di Yüni 2017)

Repartishon di premionan Sorteo Èkstra

Montante ta:	20,000.00

Montante kumpra	Porsentahe	Premio	Otro siman

0.25 t/k 4.99	20%	4,000	20,000
5.00 t/k 9.99	40%	8,000	20,000
10.00 t/k 14.99	60%	12,000	20,000
15.00 t/k 19.99	80%	16,000	20,000
20.00 òf mas	100%	20,000	20,000

Kon reklamá bo premio

Ora bo gana Sorteo Èkstra bo por reklamá bo premio na nos ofisina na Gaitoweg 5. Presentá ku bo bòn i mesun identifikashon ku bo a skirbi riba e bòn: si ta number di sédula ba skirbi riba e bon, bin ku bo sédula. Si ta number di reibeweis ba skirbi, bin ku bo reibeweis.

Bo por reklamá bo premio semper riba e djárason despues di sorteo, entre 10.00 pa 12.00 or i 13.30 pa 5.00 or atardi.

Si bo ke outorisá otro persona (laga otro persona kobra pa bo), e persona mester presentá ku un karta ku :

Bo mes nòmber, kopia di bo sédula òf reibeweis i tambe bo firma.
Nòmber, dje persona, su sédula òf reibeweis i tambe su firma.
Si bo ta estranhero, skirbi tur dos fam, manera e ta aparesé riba bo ID.