Historia

Fundashon Wega di Number Kòrsou (FWNK) a keda establesé na 1986 ku e meta pa organisá e sorteo di wega di number di akuerdo ku Artíkulo 3 sekshon 1 di “Loterijverordening 1909”.

Sorteo Èkstra ta un sorteo adishonal ku FWNK a introdusí na 1998. Nos ta organisá i supervisá tur loke ta toka Sorteo Èkstra.

Otro tarea importante di FWNK ta supervishon di e Fondo di Garantia manera stipulá den artíkulo 5 paragraf 3 di “Loterijverordening 1909”. Nos ta hasi uso di e fondo akí ora un rifero NO por paga un premio. Den e kaso ei Fundashon Wega di Number Kòrsou ta paga 60% di e premio i ta (laga) kita pèrmit di e rifero en kuestion.

Ordenansa en konekshon ku ganashi

Di akuerdo ku regla stipulá, mester usa eventual ganashi di FWNK pa:

• Fortalesé posishon di e fundashon;
• Prevení i kombatí ilegalidat den wega di plaka;
• Prevení adikshon na wega di plaka;
• Donashon na organisashonnan di karidat.