Sorteo Èkstra
‘Sorteo Èkstra’ ta un sorteo adishonal ku Fundashon Wega di Number Kòrsou (FWNK) a introdusí na 1998. FWNK mes ta organisá i operá e Sorteo Èkstra i e fondonan generá ku e sorteo ta ser invertí pa gran parti den entre otro proyektonan ku tin e meta pa kombatí adikshon na wega di plaka i tambe den proyektonan dirigí riba kombatimentu di ilegalidat den e sektor di wega di number.
Kon partisipá
Kon yena bòn pa Sorteo Èkstra
Pa motibu di privasidat i seguridat mester yena bòn di e siguiente manera pa Sorteo Èkstra:
- E nòmber dilanti òf e promé inisial i e fam; Por ehèmpel un persona ku yama Juan Bimba por yena riba su bòn: Juan Bimba òf J. Bimba.
- E number di identifikashon (ID) korekto yená konforme e ID bálido ku bo ta bin kobra kuné. Por ehèmpel: si ta number di reibeweis bo a yena riba e bòn, ora di kobra mester bin ku bo reibeweis.
Tuma bon nota: Semper yena e number di identifikashon (ID) korekto riba e bòn, sino e bòn NO ta bálido. (E regla akí di registrashon a drenta na vigor 15 di yüni 2017.)
Repartishon di premionan Sorteo Èkstra
| Montante ta: | 20,000.00 | |||||
| Montante kumprá | Porsentahe | Premio | Otro siman | |||
| 0.25 t/k 4.99 | 20% | 4,000 | 20,000 | |||
| 5.00 t/k 9.99 | 40% | 8,000 | 20,000 | |||
| 10.00 t/k 14.99 | 60% | 12,000 | 20,000 | |||
| 15.00 t/k 19.99 | 80% | 16,000 | 20,000 | |||
| 20.00 òf mas | 100% | 20,000 | 20,000 | |||
Kon reklamá bo premio
Ora bo gana Sorteo Èkstra bo por reklamá bo premio na nos ofisina na Gaitoweg 5. Presentá ku bo bòn i e mesun identifikashon ku bo a skirbi riba e bòn: si ta number di sédula bo a skirbi riba e bòn, bin ku bo sédula. Si ta number di reibeweis bo a skirbi, bin ku bo reibeweis.
Bo por reklamá bo premio semper riba e djárason despues di sorteo, mainta entre 10.00 pa 12.00 i entre 1.30 pa 5.00 atardi.
Si bo ke outorisá otro persona (laga otro persona kobra pa bo), e persona mester presentá ku un karta ku e siguiente datonan:
- Bo mes nòmber, kopia di bo sédula òf reibeweis i tambe bo firma.
- Nòmber di e persona, su sédula òf reibeweis i tambe su firma.
- Si ta dos fam bo ta usa, skirbi tur dos fam, manera e ta aparesé riba bo ID.